ခြုံငုံသုံးသပ်ချက်:ဒီကားမှာတော့ အစ်ဇမာရဲ့ဧကရီမလေးဟာ ငယ်ငယ်ရွယ်ရွယ်နဲ့ ထီးနန်းစိုးစံဖို့ဖြစ်လာပါတယ်။ ဒါပေမဲ့ကောင်စီက ဧကရီမလေးရဲ့ မှော်ဆရာတွေနဲ့ သာမန်လူတွေကို တစ်သားတည်းထား တန်းတူညီမျှအခွင့်အရေးပဲ ပေးချင်တဲ့ ပုန်ကန်တတ်တဲ့ဗီဇကို ကြောက်ရွံ့ပြီး ဧကရီမလေးဆီက အာဏာသိမ်းတဲ့ သဘောဆန်ဆန်လုပ်ဖို့ကြံလာပါတယ်။ ဒီခေတ်မှာတော့ ဘုရင်မဟာ နဂါးတွေကိုထိန်းချုပ်နိုင်စွမ်းရှိပြီး နဂါးတွေနဲ့ တိုက်ခိုက်တာတွေ ဘာတွေမြင်ရပါမယ်။ ဒါပေမဲ့ ကောင်စီက ဧကရီမလေးရဲ့ ရာဇတောင်ဝှေးကို အကြောင်းပြချက်ပေးသိမ်းယူဖို့ကြံတာကြောင့် ဧကရီမလေးနဲ့ လူယုံတွေဟာ နဂါးနီတွေကို ထိန်းချုပ်နိုင်တဲ့ ကျိုင်းကိုရှာပြီး သူ့လက်နက်အစားကိုင်စွဲပြီး ကောင်စီကို ဆန့်ကျင်ဖို့ လုပ်ပါတယ်။ ပုံပြင်ထဲမှာသာရှိပြီး မတွေ့တာကြာပြီဖြစ်တဲ့ ဒီကျိုင်းကိုရှာဖို့ မှော်ကျောင်းကမှော်ဆရာမလေးရယ် ဧကရီမလေးရဲ့အမှုထမ်းရယ် သူခိုး၂ကောင်ရယ် လူပုလေးတစ်ကောင်ရယ် စွန့်စားခန်းဖွင့်ကြတာကို ကြည့်ရမှာပါ။ နတ်သူငယ်တွေလည်း ပါပါသေးတယ်။ ဒီတော့ သူ့ပုံစံကြီးက GoT နဲ့ LoTR ကိုပေါင်းထားသလိုလိုပါပဲ။