ခြုံငုံသုံးသပ်ချက်:ဒီတစ်ခါဇာတ်ကားလေးရဲ့နာမည်လေးကတော့ဆန်းပါတယ် Animal Crackers (တိရစ္ဆာန်ပုံမုန့်ကြွပ်လေးများ)ပါပဲ။ နာမည်လေးကဆန်းသလိုဇာတ်ကြောင်းလေးကလည်းဆန်းပါတယ်။ ညီအစ်ကိုနှစ်ယောက်ပိုင်တဲ့ဆပ်ကပ်ကိုမိန်းမချောလေးတစ်ယောက်ရောက်လာပါတယ်။ ကောင်မလေးကလောဘကြီးတဲ့အစ်ကိုကို မရွေးပဲသဘောကောင်းတဲ့ ညီလေးကိုရွေးချယ်တဲ့အခါ ညီအစ်ကိုအချင်းချင်းမသင့်မြတ်တော့ပဲအစ်ကိုဖြစ်သူဟာဆပ်ကပ်ကနေထွက်သွားပါတော့တယ်။ ညီဖြစ်သူနဲ့ မိန်းကလေးတာလီယာရဲ့မင်္ဂလာပွဲမှာတာလီယာရဲ့အဒေါ်ကလက်ဖွဲ့တစ်ခုပေးခဲ့ပါတယ်။ တိရစ္ဆာန်ပုံမုန့်လေးတွေပါတဲ့မှော်သေတ္တာလေးပါ။ အဲဒီမှော်သေတ္တာလေးအစွမ်းကြောင့်ထိုစုံတွဲရဲ့ဆပ်ကပ်က အရမ်းကျော်ကြားလာပါတယ်။ဒါပေမယ့် အကိုဖြစ်သူဟာ မကျေနပ်ချက်တွေနဲ့ ဆပ်ကပ်ထဲ ခိုးဝင်ပြီး မွှေနောက်ရာကနေ ကိစ္စပေါင်းများစွာနဲ့ ဇာတ်လမ်းလေးဟာ မရိုးနိုင်အောင် ပြီးဆုံးတဲ့အထိကို ကြည့်လို့ကောင်းနေတော့ပါတယ်။