ခြုံငုံသုံးသပ်ချက်:High and Low series ရဲ့လေးကားမြောက်ပါ။ အစဉ်လိုက်ကြည့်ဖို့ညွှန်းပါတယ်။ Nameless City ဆိုတဲ့အမည်မရှိမြို့မှာအရင်ကဆေးဝါးစက်ရုံတစ်ခုရှိခဲ့ပါတယ်။အဲ့ဆေးဝါးက ဗိုင်းရပ်စ်ကုသတဲ့နေရာမှာထိရောက်မှုရှိခဲ့တဲ့အတွက် အစိုးရကလည်း ထောက်ခံမှုပေးခဲ့ပါတယ်။ ဒါပေမဲ့ဆေးကအခြားဘက်မှာဆိုးကျိုးတွေရှိနေပြီး ကုသခဲ့တဲ့လူနာတွေကခြောက်လအတွင်းမှာသေဆုံးခဲ့ပါတယ်။ ထိုအကြောင်းတွေသိတော့ အစိုးရကသက်ဆိုင်ရာတွေကိုခေါ်ပြီးမြေဖို့ ဖုံးဖိခဲ့ပါတယ်။ ဆေးကုမ္ပဏီက ကျန်ရှိနေတဲ့သက်သေတွေအစဖျောက်ဖို့ ခူရူးယုဂိုဏ်းကိုငှားခဲ့ပါတယ်။ တစ်ဖက်မှာလည်း အစိုးရနဲ့ခူရူးယုပူးပေါင်းကာ မိုင်းတွင်းနဲ့အမည်မရှိမြို့ကိုဖောက်ခွဲဖျက်ဆီးပစ်ပြီး ထိုနေရာမှာသူတို့အကျိုးအမြတ်ရမဲ့ ကာစီနိုတစ်ခုကိုတည်ဆောက်ဖို့လုပ်ပါတော့တယ်။ထိုအခါ အဆိပ်သင့်ဘေးကိုခံရရုံမက အမည်မရှိမြို့သူမြို့သားတွေက နေထိုင်ရာမှအတင်းအကျပ်ဖယ်ခိုင်းခံရပြီး အဆိပ်သင့်ခံထားရတဲ့သားကောင်များကိုပါသုတ်သင်ရှင်းလင်းဖို့လုပ်တာခံရပါတော့တယ်။SWORD အဖွဲ့ဟာမိမိတို့ပိုင်နက် နယ်မြေနဲ့ အမည်မရှိမြို့ကိုကာကွယ်ဖို့ကြိုးစားရင်း ခူရူးယုနဲ့အတိုက်အခံဖြစ်ကာမိမိတို့အသင်းသားများနဲ့မိသားစုဝင်များပါလုပ်ကြံခံရပါတယ်။