Агляд:Нью-Ёрк пачатку 1960-х, Мангэтан – цэнтр сусветнага бізнесу, у якім усё большую ролю пачынае выконваць рэклама. Бальшыня буйных рэкламных агенцтваў месціцца на Мэдысан-авеню, а тых, хто там працуе, пачынаюць называць «мэдмэнамі», ці ўтрапёнымі пашыральнікамі новых тавараў, трэндаў ды ідэяў, якія нясе з сабою «вецер 60-х». У адным з такіх паспяховых агенцтваў, што належыць кампаньёнам Роджэру Стэрлінґу і Бэрту Купэру, працуе Доналд Дрэйпэр – крэатыўны матор кампаніі. Ягонае складанае дзяцінства ды бурлівая маладосць прыпалі на вайну і 1950-я гады з іх патрыярхальнымі і патрыятычнымі вартасцямі, і ў новае дзесяцігоддзе ён уваходзіць ужо сталым сямейным чалавекам са сфармаванымі поглядамі ды... крыху сфабрыкаванаю мінуўшчынаю. На ягоных вачах разбураецца стары знаёмы свет і ўзнікае іншы, поўны новых магчымасцяў, але таксама праблемаў і спакусаў, асабліва для чалавека з грашыма..