ခြုံငုံသုံးသပ်ချက်:ဂျက်ဖ​ရေး ဒါးမား…​ ဝစ္စကွန်ဆင်ပြည်နယ် မီလ်​ဝေါကီးမြို့က ရူပါသန့်သန့် ရွှေအို​ရောင်ဆံပင်ရှည်နဲ့ လူ​ချော​တစ်​ယောက်​ပေါ့။ လူပုံစံကပျော့တိ​ပျော့ဖတ်နဲ့ အားမရှိတဲ့ပုံဖြစ်​နေတဲ့ ​​ကောင်​​လေးတစ်​ယောက်က လိင်တူစိတ်ဝင်စားသူဖြစ်သလို အ​ဖော်အချွတ် ဓါတ်ပုံ​တွေရိုက်ကူးရတာ ဝါသနာကြီးတာ​ကြောင့် အနီးအနားက အရက်ဘားကိုသွားပြီး ​ကိုယ်ဟန်ပြမော်ဒယ်​ရှာ​​လေ့ရှိသူပါ။တစ်ရက်မှာ​တော့ ထ​ရေစီဆိုတဲ့ လူမည်း​ကောင်​​လေးတစ်​ယောက် ဂျက်ဖ်ရဲ့စကား​ပြော​ကောင်းမှုနဲ့အတူ ဓါတ်ပုံရိုက်ခံဖို့ သူ့တိုက်ခန်းကို ပါသွားခဲ့ပါတယ်။ တိုက်ခန်းထဲကို ရောက်တဲ့အချိန်မှ ဂျက်ဖ်ရဲ့ မူမမှန်​မှု​တွေကို အခါ​နှောင်းမှ ရိပ်စားခဲ့မိ​ပေမယ့် ​သေကံမပါခဲ့လို့ ထွက်​ပြေးလွတ်​မြောက်လာခဲ့ပြီး ကင်းလှည့်ရဲကားနဲ့မှ တည့်တည့်တိုးကာ တိုင်ကြားနိုင်ခဲ့ပါတယ်။ ဒီလိုနဲ့ပဲ ဂျက်ဖ်တစ်​ယောက်ဟာ ​သား​ကောင်အ​ရွေးမှားမှု​ကြောင့် သူ နှစ်ရှည်လများကျူးလွန်ခဲ့တဲ့ ရာဇဝတ်မှုကြီး​တွေကို အထုပ်နဲ့အထည်နဲ့ ချပြလျက်သား ဖြစ်ပြီး အဖမ်းခံလိုက်ရပါ​တော့တယ်။